Jajampanaan
kecap jajampanaan asalna tina kecap "jampana" nyaeta alat nu dijieun tina kai atau awi pikeun ngagotong nu gering, nu maot, atawa budak sunat. jajampanaan mangrupa kaulinan anu niru-niru jalma nu keur ngagotong jalma atawa barang make jampana.
Kaulinan jajampanaan dilaksanakan pikeun ngeusi waktu kosong serta hiburan pikeun barudak. Dina prakna, iye kaulinan teh niru-niru kolot ngagotong jalma nu gering, baheula samemeh rea tutumpakan kawas ayeuna. jaba ti eta, ieu aulinan teh merlukeun gawe bareng papada nu ulina.
leu kaulinan teh diulinkeun ku sakelompokna tiluan. Ieu kaulinan heunteu merlukeun alat-alat, ngan perlu tempat anu rada lega. Bisa di buruan atawa di Lapang, bisa di jalanan anu langka liliwatan ku tumpahkan.
Tatahar samemeh kaulinan. Kahiji, ngumpulkeun babaturan pikeun ngalaksanakeun kaulinan. Kadua, milih pasangan, kaasup babaturan nu rek digotongna. Katilu, milih tempat nu cocog keur kaulinan. Kaopat, nyieun wates mimiti jeung wates tungtung nu jarakna kira-kira 10 meter.
Prak-prakan kaulinan. Saenggeus pasangan-pasangan sayaga, nyaeta duaan nu jampana jeung saurang nu rek digotongna, satuluy a nangtukeun sababaraha pasangan anu bakal lomba.
Cara nyieun jampana. Duaan anu bakal jadi jampana teh nangtung pahareup-hareup. Leungeun katuhu atawa kenca ditikelkeun sarta nyekel siku leungeun babaturan. Leungeun anu henteu ditikelkeun, nyekel leungeun babaturan anu ditikelkeun.
Pek titenan gambar di handap!
Pasangan-pasangan barudak anu geus sayaga, nyaeta duaan jadi jampana jeung saurang nu digotongna, cicing dina garis mimiti. Saenggeus diaba-abaan, pasangan barudak teh leumpang pagancang-gancang muru ka garis tungtung. Pasangan anu pangheulana nepi, eta anu dianggap meunang. Geura pek ilikan gambarna ieu di handap!
Pancen hideup!
Jawab pananya ieu di handap dumasar kana teks!
- Naon sababna disebut jajampanaan?
- Naon ari jajampanaan teh?
- Naon sababna baheula mah mawa nu geuring make jampana?
- Kaulinan jajampanaan teh sakelompokna aya sabaraha urang?
- Naon gunana nu duaan dina kaulinan jajampanaan?
